«Հուսով եմ՝ «Ելք»-ի այդ նախաձեռնությունն իսկապես կգնահատվի, եւ հանրությունը հնարավորություն կունենա քննարկելու ԵՏՄ-ի օգուտներն ու բացասական կողմերը»,-Aravot.am-ի հետ զրույցում անդրադառնալով ԱԺ «Ելք» խմբակցության՝ օրենսդրական նախաձեռնության կարգով «ՀՀ մասով ԵՏՄ պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագիծ ներկայացնելու որոշմանը, ասաց նախկին պատգամավոր, քաղաքագետ Թեւան Պողոսյանը:
«Փորձում են մեղադրել «Ելք»-ին կամ մեղադրում են՝ առանց գիտակցելու, թե վերջինս ինչ է անում. «Ի՞նչ է նշանակում, թե «Ելք»-ն այս նախաձեռնությամբ փորձում է ընդդիմադիր երեւալ… այսպես թե այնպես ընդդիմադիր է, մի անգամ ավե՞լ ընդդիմադիր պետք է երեւային: «Ելք»-ն իշխանությո՞ւն է, ոչ»,-նկատեց Թեւան Պողոսյանը:
Ինչ վերաբերում է Հայաստանի՝ ԵՏՄ անդամակցության արդյունքներին, նրա խոսքով. «Ինքս որեւէ դրական փոփոխություն չեմ տեսնում առայժմ: 2013թ.-ից այս կողմ ավելի շատ պատասխանել եմ հարցերի, թե, օրինակ, ինչու հայ վարորդներն այսինչ խնդիրն ունեցան, ինչու ՀՀ ներդրումներ չեն գալիս…Եթե միայն բացասական հարցերի եմ պատասխանել, դրականն ինչպե՞ս զգամ»:
Մանրամասն՝ տեսանյութում:
Լուիզա ՍՈՒՔԻԱՍՅԱՆ
