«Այսօր Թուրքիայի կողմից Հայոց ցեղասպանության ճանաչումը եւ սահմանի բացումը եւ անցնում է Թուրքիայի՝ ժողովրդավարություն հաստատելու ճանապարհով, իսկ Թուրքիան գնում է լրիվ այլ ճանապարհով»,- այսօր Հայաստան-Սփյուռք 6-րդ համաժողովի ամփոփմանը իր ելույթում փոխարտգործնախարար Շավարշ Քոչարյանը ընդգծեց Թուրքիայի խորհրդարանի պատգամավոր Կարո Փայլանի խոսքերը:
Շավարշ Քոչարյանը նշեց, որ Թուրքիան գնում է բռնապետական ճանապարհով. «ՀՀ նախագահը ՄԱԿ-ի ամբիոնից մի քանի ժամ առաջ հայտարարեց՝ թող չմտածեն, որ մենք կարող ենք պատանդ մնալ այդ արձանագրություններին: Այդ արձանագրությունները հայտարարվել են առ ոչինչ եւ մենք 2018-ի գարուն մտնելու ենք առանց այդ արձանագրությունների»:
Շավարշ Քոչարյանը նշեց, որ Ադրբեջանը գործում է ե՛ւ միջազգային իրավունքի դեմ, եւ միջնորդ պետությունների՝ ՌԴ-ի, ԱՄՆ-ի, Ֆրանսիայի դեմ, 2016-ին էլ ցույց տվեց իր իրական դեմքը. «2016-իր քայլը 90-ականների ագրեսիայի կրկնությունն էր: 1994-ի եռակողմ համաձայնագիրը՝ Ադրբեջան-Արցախ-Հայաստան, դա համաձայնագիր է ռազմական գործողությունների դադարեցման եւ կրակի դադարեցման ռեժիմը հաստատելու մասին: Միշտ եղել են հրադադարի ռեժիմի խախտումներ՝ պարբերաբար, բայց այն, ինչ եղավ 2016-ի ապրիլին, դա բացահայտ ռազմական գործողությունների վերսկսում էր, Ադրբեջանը կրկին ագրեսիայի դիմեց, մարդասիրական իրավունքի կոպիտ ոտնահարումներ արեց»:
Հռիփսիմե ՋԵԲԵՋՅԱՆ
