Երակների վարիկոզ լայնացումը շատերի համար ցավոտ խնդիր է, որը կարելի է հեշտությամբ անցկացնել կալանխոեի պատրաստուկով. տերեւները լվանալ, չորացնել, մանրացնել եւ լցնել կես լիտրանոց շշի մեջ՝ մինչեւ կեսը, ավելացնել 40 տոկոսանոց սպիրտ՝ օղի, մինչեւ վերջ, թրմել մութ տեղում 7 օր՝ պարբերաբար թափահարելով: Ստացված թուրմը քամել, քսել ոտքերին քնելուց առաջ (կուրսը 1-2 ամիս):
Երակների վարիկոզ լայնացման դեպքում խորհուրդ է տրվում օգտագործել նաեւ մեղրով թրջոցներ: Նուրբ գործվածքի վրա բարակ շերտով մեղր քսել եւ դնել ցավոտ մասերին: Թրջոցի վրա փաթաթել պոլիէթիլենային թաղանթ եւ վիրակապել լայն վիրակապով: Առաջին օրը թրջոցը թողնել 2 ժամ, երկրորդ օրերին՝ 4 ժամ: Դրանից հետո կարելի է թողնել ամբողջ գիշեր: Բուժման տեւողությունը՝ 45-50 թրջոց:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
26.12.2017
