Ավետիք Իշխանյանը «Սասնա ծռեր»-ին քաղբանտարկյալ չի համարում, քանի որ օգտագործվել է զենք, ոստիկանների մահ կա, այլ հարց է, որ դատավարությունները պետք է արդար անցկացվեն, ինչը չի արվում։
«Չափորոշիչները տարբեր են։ Եվրոպայի խորհրդի չափորոշիչների մեջ մտնում են իր քաղաքական հայացքների համար անհամաչափ պատիժը, մի քանի այդպիսի դրվագներ։ Ինձ ավելի հոգեհարազատ է «Ամնեսթի Ինթերնեշնլ» իրավապաշտպան կազմակերպության կողմից քաղբանտարկյալ ձևակերպումը։ Նա ունի երկու բնորոշում, մի բնորոշումը խղճի բանտարկյալ հասկացողությունն է․ քաղբանտարկյալն այն է, որ իր քաղաքական հայացքների համար գտնվում է անազատության մեջ, կամ անհամաչափ պատիժ են տվել նրան։ Մյուս հասկացողությունը քաղաքական բանտարկյալներն են, այսինքն՝ իրենց քաղաքական նպատակների համար կատարել են նաև ոչ օրինական գործողություններ, բայց կրկնեմ՝ քաղաքական նպատակների համար։ Եթե այս տեսակետից դիտարկենք՝ ես Հայաստանում խղճի բանտարկյալներ եմ համարում Շանթ Հարությունյանին իր ընկերներով, նրան աջակցվելու համար Հայկ Կյուրեղյանը ևս քաղբանտարկյալ է, նույն Կարո Եղնուկյանին քաղբանտարկյալ եմ համարում, ինչպես նաև Դավիթ Հովհաննիսյանին, Արմեն Միքայելյանին, Գևորգ Սաֆարյանին, Արարատ Խանդոյանին, Ժիրայր Սեֆիլյանին, Անդրեաս Ղուկասյանին, և ամենակարևորը, որից 37թ-ի հոտ է գալիս՝ Սամվել Բաբայանին»։
Ավետիք Իշխանյանը ընդգծեց, որ քաղբանտարկյալների հարցը մինչև ԵՄ-ի համաձայնագրի ստորագրումն էլ պարբերաբար բարձրաձայնել են։
Մանրամասները՝ տեսանյութում։
Անի Գևորգյան
Նյութի մանրամասները կարդացեք 1in.am-ի կայքում
