Նորքի ինֆեկցիոն կլինիկական հիվանդանոցի փոխտնօրեն Էդուարդ Զարդարյանից Aravot.am-ը հետաքրքրվեց Արա Ասոյանի (լուսանկարում) մահվանը նախորդող միջադեպի լուրով: Ի պատասխան՝ պարոն Զարդարյանն ասաց. «Մեր առօրյան է, ոչ մի հատուկ երանգներ դրան տալ պետք չէ, լրիվ հասկացել են, թե ինչումն է խնդիրը, մարդը հիվանդ է եղել, բերել մի խոսակցություն կապել մահվան հետ, ճիշտ չէ:
Մեզ մոտ ամեն օր միջադեպեր են, մի կարծեք, թե այստեղ դրախտային վիճակում ենք գտնվում: Ես համոզված եմ, որ այդ միջադեպը չի եղել, որ կարող էր բերել այդ աստիճանի մի բանի, պաշտոնապես համարում եմ, որ այդ խոսակցությունը կենցաղային խոսակցություններ են, ոչ մի միջադեպ, որը կարող էր բերել, այսինքն՝ արտակարգ ինչ-որ բան չի եղել: Ես նաեւ այդ պահին այստեղ չեմ եղել»:
Արփինե ՍԻՄՈՆՅԱՆ
