Մայիսի 25-28-ը Վարշավայում կայացել է ՆԱՏՕ-ի խորհրդարանական վեհաժողովի գարնանային նստաշրջանը, որին մասնակցել են նաեւ հայ պատվիրակները: Այսօր խորհրդարանում լրագրողների հետ հանդիպման ժամանակ հայկական պատվիրակության ղեկավար Կորյուն Նահապետյանն ասաց, որ բրիտանացի պատգամավորներից մեկը հետաքրքրվել է ՀՀ-ում տեղի ունեցող փոփոխությունների, մասնավորաբար, արտաքին քաղաքական ուղղությունների հնարավոր փոփոխությունների մասին: Հայաստանցի պատգամավորներն ասել են, որ այս փուլում ՀՀ արտաքին քաղաքականությունը որեւէ փոփոխության չի ենթարկվելու. «Եվրասիական եւ եվրոպական չափումներում մեր մոտեցումը լինելու է անփոփոխ»:
ՆԱՏՕ-ի հայաստանյան գործընկերները դարձյալ կարեւորել եւ բարձ են գնահատել ՀՀ-ՆԱՏՕ փոխգործակցությունները, այն պարագայում, երբ ՀՀ-ն այլ անվտանգության համակարգի` ՀԱՊԿ-ի անդամ է:
Նելլի ԳՐԻԳՈՐՅԱՆ
Լուսանկարը՝ Լեհաստանում Հայաստանի դեսպան Էդգար Ղազարյանի ֆեյսբուքյան էջից
