Aravot.am-ը տեղեկացրել է, որ ՀՀ վարչապետ Նիկոլ Փաշինյանի հունիսի 11-ի որոշմամբ Սմբատ Գոգյանը նշանակվել է Բարձրագույն որակավորման հանձնաժողովի նախագահ:
Aravot.am-ը ԲՈՀ-ի նախագահի տեղակալ Ատոմ Մխիթարյանից հետաքրքրվեց՝ ճանաչո՞ւմ են արդյոք իրենց նոր ղեկավարին եւ գիտական ի՞նչ նվաճումներ ունի:
Պարոն Մխիթարյանը պատասխանեց, որ Գոգյանը տառացիորեն վերջերս պաշտպանել է դոկտորական ատենախոսություն՝ մաթեմատիկական անալիզ մասնագիտությամբ, որը դեռեւս գտնվում է ԲՈՀ-ում:
Hayeli.am-ն էլ գրել էր, որ ԲՈՀ-ի նախագահը նախկինում եղել է Ծարավ Աղբյուր համատիրության նախագահ:
Օրերս պարոն Գոգյանը ֆեյսբուքում գրառում էր կատարել, որ որոշել է ձեռնամուխ լինել 4-6 դասարանցիների համար աշխարհի լավագույն առցանց, բաց, ինտերակտիվ վիդեոների ստեղծմանը` տրամաբանության և մաթեմատիկայի մասին։
«Ծանր և չգնահատվող գործ է՝ առանց կամավորների գլուխ հանել չի լինի»,-նշել էր նա ու ցանկություն հայտնել կամավորներ ու ֆինասական աջակիցներ գտնելու մասին։
Նրան շնորհավորողները գրել են, որ արժանի նշանակում է:
Գոհար ՀԱԿՈԲՅԱՆ
Սմբատը իմ ուսանողն է եղել, չեմ վախենա այդ բառը օգտագործեմ, տաղանդավոր տղա։ Շատ է տարբերվում միջին գորշ զանգվածից՝ իր նմաններին պահել ու փայփայել է պետք և արդյունքը անսպասելի մեծ կլինի․․․․․
Պարոն Գոգյանը Հայաստանի մաթեմատիկական համայնքի լավագույն ներկայացուցիչներից է՝ թե’ որպես գիտնական, եւ թե’ որպես կրթության կազմակերպիչ։
Անձամբ չեմ չանաչում, սակայն սովորել ենք ԵՊՀ ում, ֆիզիկայի ֆակուլտետում։
Որպես գիտնական, գիտության մարդ անկասկած սուպեր է
Նույնիսկ չեմ խորշի ասել տաղանդավոր
Հույս ունեմ այդ ամենը բավարար է, ԲՈՀի ղեկավարի համար
Սմբատ Գոգյանին լավ գիտեմ, արդեն ֆիզմաթ. գիտությունների դոկտոր էլ, հիանալի մաթեմատիկոս է, ֆիզմաթ դպրոցի մաթեմատիկայի օլիմպիական խմբի մարզիչն է, ու նաև Սմբատի վաստակն է, որ մեր դպրոցականները աշխարհի մաթեմատիկայի օլիմպիադաներում առաջիններից են: Արժանի նշանակում է, խոշոր հաջողություն եմ մաղթում Սմբատին:
Այնքան տպաւորիչ դէմք ունի, որ ես իրեն յիշեցի օլիմպիադաներից (1999-2003թթ): Կարծեմ ֆիզմաթ դպրոցն էր ներկայացնում: Կարծում եմ՝ լաւ կը լինի: