Այն, որ ԵԿՄ նախագահ գեներալ Մանվել Գրիգորյանի անունը կապված է բազմաթիվ ապօրինի և անընդունելի, աղմկահարույց դեպքերի հետ, ես մեկ անգամ չէ, որ բարձրաձայնել եմ, դարձել շատերի համար քննադատության թիրախ, թե՝ ինչպես կարելի է մրոտել ազգային հերոս Մանվել Գրիգորյանի ազնիվ վաստակն ու պատվավոր անունը:
Սակայն, ինչպես մեր հայրենակիցներն, այնպես էլ ես, նույնիսկ մղձավանջում, չէի կարող պատկերացնել, որ Արցախյան պատերազմին մասնակցած մարդը, անկախ իր հետագա քաղաքական ու կալվածատիրական գործունեությունից, կարող է այնքան ընկնել, որ մեր հպարտություն, իր զոհված ընկերների արյամբ ստեղծված բանակի զինվորի հացը յուրացնի ու սեփական գիշատիչներին կերակրի:
Ինչևէ, թե՛ Մանվել Գրիգորյանի կատարածների և թե՛ այլոց ապօրինությունների վերաբերյալ ԱԱԾ-ն խոստանում է նոր բացահայտումներ ներկայացնել, տեղեկատվությունն արագ և լիուլի սփռվում է:
Իսկ մինչ այդ, իհարկե, բոլորի ուշադրության կենտրոնում Էջմիածինն էր՝ իր քաղաքապետով, բողոքի ակցիաներով, Արթուր Ասատրյանն՝ իր գործունեությամբ և վերջինի ձերբակալությունը:
Թեմայի մասին մանրամասն՝ տեսանյութում:
Սուրեն ՍԱՐԳՍՅԱՆ
