Նախկինում հայտնել ենք, որ 2018 թվականի մարտի 29-ին ՀՀ կառավարության որոշմամբ ՀՀ պաշտպանության նախարարությանն ամրացված, Գետահովիտ գյուղի վարչական տարածքում գտնվող պետական սեփականություն հանդիսացող, նախկինում Իջեւանի զորամասի տարածք հանդիսացող 10518,2 քառ մետր մակերեսով շենք-շինությունները եւ 8,9 հա հողամասը անհատույց նվիրվել է Հայ առաքելական եկեղեցուն:
Իջեւան քաղաքին հարակից Գետահովիտ համայնքի ղեկավար Արթուր Ղազարյանին հարցրինք, թե ինչպես լուծվեց իրենց գյուղի տարածքում գտնվող, Իջեւանի տարածաշրջանում տեղակայված զորամասի նախկին շենքի պատկանելիության հարցը: Նա ասաց, որ համայնքի բնակիչները ցանկանում են, որ այդ շենքը պատկանի Գետահովիտ համայնքին; Նրա խոսքերով`շենքը ներկայումս գտնվում է ՀՀ պաշտպանության նախարարության հաշվեկշռում,զորամասի նախկին շենքի հողատարածքի կադաստրային նշանակությունը չի փոխվել, այն չի դարձել հատուկ պահպանվող տարածք:
Ա. Ղազարյանը հայտնեց, որ պաշտպանության նախարարության կողմից շենքը Հայ առաքելական եկեղեցուն նվիրաբերելուն իրենք տեղյակ չեն եղել, Գետահովտի բնակիչների կարծիքը հաշվի չեն առել:
Ոսկան ՍԱՐԳՍՅԱՆ
