Դեկտեմբերի 12-ին ԵՊՀ Մշակույթի կենտրոնում տեղի ունեցավ «Սպիտակ գառան երազը» և «Լույսի ձայներ» ֆիլմերի դիտում և քննարկում ։ Դահլիճում հավաքվել էին Մայր բուհի ուսանողները,ներկա էին նաև ֆիլմերի հեղինակ Հրանտ Վարդանյանը, օպերատորներ Վահագն Տեր-Հակոբյանը և Արեգ Հակոբյանը։
Ֆիլմերի դիտումը կազմակերպել էր Մշակույթի կենտրոնի կինոակումբը՝ Աշոտ Համբարձումյանի գլխավորությամբ։ Սկզբում ներկայացվեցին հեղինակները, այնուհետև անցան ֆիլմերի դիտմանը։
Ուսանողները հուզված էին: Ֆիլմերի ավարտից հետո հեղինակները պատասխանեցին նրանց հարցերին։
Ուսանողներից մեկի հարցին,թե ինչը դրդեց հեղինակին նկարելու «Սպիտակ գառան երազը» ֆիլմը,Հրանտ Վարդանյանը պատասխանեց,որ ֆիլմը նկարելիս ցանկացել է բարձրացնել զոհաբերության թեման և մերժել այն։Այդ իսկ պատճառով էլ ընտրվել է գառան սպիտակը որպես մաքրության և պարզության խորհրդանշան,իսկ «Լույսի ձայներ» ֆիլմը նկարահանվել է շատ պատահական։ Հայաստանի փոքրիկ երգիչների երգչախումբն այցելել է տարբեր քաղաքներ և մեր մշակույթը մատուցել տարբեր երկրների ժողովուրդների,ինչն էլ ներկայացրել են ֆիլմում։Ֆիլմի վերնագիրն ըստ հեղինակի շատ պատահական է ընտրվել՝ ռեժիսորը իր աշխատանքը կատարելիս հիացած փոքրիկների ձայնով և կատարումով ասել է, որ կարծես թե լույսի ձայներ լինեն:
Իզաբելլա ՀՈՎՍԵՓՅԱՆ