«Ազատություն». Մանչեսթրի ոստիկանությունը ահաբեկչություն է որակել տարեմուտին տեղի ունեցած հարձակումը, որի հետևանքով երեք մարդ էր վիրավորվել:
Միջադեպը տեղի էր ունեցել դեկտեմբերի 31-ին գնացքի կայարաններից մեկում, հանցագործը դանակով հարձակվել էր երկու ուղևորների և մեկ ոստիկանի վրա, մինչ իրավապահներին հաջողվել էր նրան ձերբակալվել:
Դեպքին ականատես դարձած BBC-ի թղթակիցը պատմել է, որ ձերբակալվածը հարձակման ժամանակ գոռացել է «Ալլահ աքբար» և իր գործողությունները բացատրել այլ երկրներում շարունակվող ռմբակոծություններով:
