Մարինացված ձկան (իշխան, ծովատառեխ (селдь), սկումբրիա եւ այլն) հետ համադրվող ամենահայտնի բաջարեղենը կարտոֆիլն է, սակայն փորձեք բազուկը եւ կտեսնեք, թե ինչ հրաշալի արդյունք կստանաք:
Անհրաժեշտ մթերքները
Կարմիր բազուկ- 1-2 հատ
Մարինացված ձուկ-100 գրամ
Կարդացեք նաև
Կարմիր գլուխ սոխ-կես հատ
Ռուկոլայի եւ հազարի տերեւներ- մի քանի տերեւ
Սխտոր- մեկ պճեղ
Համեմի եւ սամիթի սերմեր-1 թեյի գդալ
Սեւ պղպեղ, աղ-ըստ ճաշակի
Ձիթապտղի յուղ-4-5 ճաշի գդալ
Բալզամիկ քացախ-2-3 ճաշի գդալ
Կիտրոն- 1/4 հատ
Պատրաստման եղանակը
Բազուկը լավ լվանալ, կեղեւահանել եւ խաշել առատ ջրում: Աղն ավելացնել անջատելուց 5-10 րոպե առաջ: Երբ բազուկը եփվի, հանեք ջրից, չորացրեք եւ կտրատեք խորանարդիկներով կամ ծղոտաձեւ: Վրան լցրեք ձիթապտղի յուղ եւ բալզամիկ քացախ, քերած կամ ճզմած սխտոր, մանրացրած կամ աղացած համեմի եւ սամիթի սերմ, սեւ պղպեղ, լավ խառնեք, ծածկեք ու դրեք առնվազն 2 ժամով՝ մարինացվելու:
Երկու ժամ անց լավ լվացած եւ լավ չորացրած կանաչիները շարեք մատուցարանի վրա: Վրան դասավորեք օղակաձեւ կտրատված սոխի բարակ շերտեր, ցողեք ձիթապտղի յուղով եւ բալզամիկ քացախով, շարեք բազուկի, ձկան, կիտրոնի կտորները:
Կարող եք գեղեցիկ ձեւավորելու համար մետաղե օղակի մեջ դասավորել բազուկը, վրան ձուկը, վրան կիտրոնի կտորները: Կարող եք նաեւ ավելացնել կապարի (каперсы) հատիկներ:
Պատրաստման եղանակը՝ տեսանյութում.
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
