ՀՀ վարչապետ Նիկոլ Փաշինյանն այսօր «ֆեյսբուքյան» ուղիղ եթերում հետեւյալ հայտարարությունն արեց. «Որոշել եմ «էքսպերիմենտ» անել եւ չհայտարարված այցով գնալ մարզ: Կլինեմ մարզերից մեկի գյուղերից մեկում: Մարզպետին տեղյակ չեմ պահել, ոչինչ չեմ ասել որեւէ մեկին: Նպատակն է՝ առանց նախապես կազմակերպված միջոցառումների՝ շփվել մարդկանց հետ եւ խնդիրներին ծանոթանալ, անմիջապես տեսնել, թե ինչ է կատարվում, ինչ կարող է անել Կառավարությունը, ինչ են ակնկալում բնակիչները կառավարությունից: Չգիտեմ, թե այցից ինչ կստացվի: Եթե օգտակար կլինի, ժամանակ առ ժամանակ կայցելեմ ՀՀ տաբեր գյուղեր՝ առանց գյուղապետերին կամ մարզպետերին տեղյակ պահելու»:
Նիկոլ Փաշինյանը մեքենայի միջից ուղիղ միացման միջոցով նաեւ նշեց, որ արդեն գիտի, թե որ գյուղ է գնալու, բայց անունը, միեւնույնն է, առայժմ չի ասի:
Չհայտարարված այց:
Gepostet von Nikol Pashinyan / Նիկոլ Փաշինյան am Samstag, 16. März 2019
Լուիզա ՍՈՒՔԻԱՍՅԱՆ