Այս աղցանը պարունակում է այնքան օգտակար նյութեր, այնքան թեթեւ ու համեղ է, որ կարող է դառնալ տարվա բոլոր եղանակների եւ բոլոր առիթների համար շատ հարմար ուտեստ:
Անհրաժեշտ մթերքները
Ագարիկոն (շամպինյոն) տեսակի շատ թարմ սունկ- 0,5 կգ
Քինոա (սագախոտ)- 0,5 բաժակ
Կարդացեք նաև
Ձիթապտղի յուղ- 6 ճաշի գդալ
Խառը կանաչիներ եւ կանաչ սոխ- մոտ կես կապ
Աղ, եւ եւ կարմիր պղպեղներ- ըստ ճաշակի
Կիտրոն-1 հատ
Պատրաստման եղանակը
Շատ թարմ եւ շատ սպիտակ սունկը մանրամասն լվացեք: Սնկի գլխիկի եւ ոտիկի արանքում եղած շերտը հեռացրեք (տես լուսանկարում):
Չորացրեք սնկերն անձեռոցիկով կամ սրբիչով եւ բարակ-բարակ կտրատեք երկայնակի: Լցրեք աղցանամանի մեջ, վրան աղ, պղպեղներ եւ ձիթապտղի 3 ճաշի գդալ յուղ արեք: Լվացած կիտրոնի կեղեւը մանր քերիչով քերեք, ավելացրեք սնկին, ավելացրեք նաեւ կիտրոնի հյութը: Ծածկեք աղցանամանը կափարիչով կամ պոլիէթիլենային թաղանթով եւ դրեք մի քանի ժամով սառնարան, որպեսզի սունկը համեմունքների, կիտրոնի հյութի եւ ձիթայուղի ազդեցությունից պատրաստվի:
Մինչ սունկը «եփվում է» կիտրոնի թթվայնության մեջ, լավ լվացեք, չորացրեք եւ մանրեք կանաչիները:
Քինոան լցրեք ցանցի մեջ, պահեք ջրի տակ մի քանի րոպեով, որ լվացվի: Լցրեք փոքրիկ կաթսայի մեջ եւ դրեք թող եփվի մարմանդ կրակով մոտ 10-15 րոպե: Եփվելուց հետո լցրեք ցանցի մեջ եւ թողեք մի քանի րոպե ջրքամվի:
Սնկի վրա ավելացրեք արդեն ջրքամված եւ սառած քինոան, կանաչիները, մնացած ձիթայուղը, մի փոքր էլ աղ, սեւ պղպեղ արեք, լավ խառնեք եւ կարող եք մատուցել:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
Քինոան եփելուց առաջ միայն մի քանի րոպե հոսող ջրի տակ պահելով չէ։ Այն պետք է լավ տրորել ցանցի մեջ , հոսող ջրի տակ, երկար լվանալով ,հեռացնելու նրա կեղևից “սապօնիներ” կոչվող շատ դառը նյութը։ Ես իմ փորձից ելնելով եմ ասում , Մելանյա ջան ։ Այլապես սալաթները դառն են ստացվում ։