ԲՀԿ պատգամավոր Վարդան Ղուկասյանն առաջարկում էր, որ ԱԺ այն ամբիոնը, որտեղից ելույթ էր ունեցել տրանսգենդեր Լիլիթ Մարտիրոսյանը, խնկարկվի: Նա մեզ հետ զրույցում պատմեց, թե ինչ ապրումներ է ունեցել, երբ մոտեցել է այդ ամբիոնին՝ ելույթ ունենալու. «Ես երեկ խաչ հանեցի, նստածս տեղն էլ աղոթք էի անում, որ մաքրվի էդ ամեն ինչը»:
Հարցրեցինք՝ կարծում եք, որ որեւէ, ձեր ձեւակերպմամբ՝ «պիղծ» էլ չի՞ մոտեցել այդ ամբիոնին՝ նա պատասխանեց. «Ես ավելի շատ խոսում եմ հոգեւոր եւ ավելի շատ հոգեւորին եմ տեղ տալիս, քան թե մարմնականին եւ ինչ ես արեցի, փառք Աստծո, ճիշտ արեցի»:
Մենք Ղուկասյանին փոխանցեցինք ԵՄ դեսպան Սվիտալսկու խոսքերը՝ «չընդունել չի նշանակում չհանդուրժել», այդտեղ է սահմանը՝ Ղուկասյանը պատասխանեց. «Մի՛ խառնվեք իրար, ոչ ոքի չվառեցին, ոչ ոքի չմորթեցին, մի բան էլ ասում ենք՝ դարձի՛ եկեք: Որ չանեն, դարձի գան, ի՞նչ է պատահել, մենք բոլորին էլ կընդունենք, մեր եկեղեցին ապաշխարելու հնարավորություն է տալիս»:
Կարդացեք նաեւ:
Կարդացեք նաև
«Առավոտ» օրաթերթ,
19.04.2019
