Հունիսի 2-ին Դաղստանում անցկացված (ինքնավար հանրապետություն Ռուսաստանի Դաշնության կազմում) հուղարկավորությունն իրարանցում է առաջացրել․ կասկածներ կան, որ այնտեղ հուղարկավորվել է լեգենդար հրամանատար Հաջի-Մուրադի աճյունը, որն առևանգվել է Ադրբեջանից։ Հայտնում է Jam news-ը հղում կատարելով «Դաղստանի երիտասարդություն» թերթին.
Հաջի-Մուրադը ծագումով Դաղստանից է, սակայն նրա մարմինը հանգչում էր Ադրբեջանում, իսկ գանգը՝ պահվում Սանկտ Պետերբուգում։ Այն հարցը, թե որտեղ և երբ վերահուղարկավորել հրամանատարին, որոշվում էր արդեն 10 տարի։
Հաջի-Մուրադ Ավարացին (մոտ 1818-1852թթ․) հյուսիսկովկասյան հրամանատար և ազգային հերոս է, Ռուսական կայսրության դեմ կովկասյան լեռնեցիների պայքարի մասնակից։ Լև Տոլստոյի համանուն պատմվածքի հերոսը։
Հաջի-Մուրադը սպանվել է Ադրբեջանի հյուսիսում՝ Գախի շրջանում։ Նրա մարմինը թաղվել է հենց այդտեղ, իսկ գլուխը Ռուսաստան է տարվել որպես ավար։ Այժմ գանգը գտնվում է Պետերբուրգի Մարդաբանության և ազգագրության թանգարանում։