«Լրատվամիջոցները բռնության քարոզի առումով հնարավորինս կոռեկտ են, ատելության քարոզը սոցցանցերում է սփռված»,-այսօր ԱԺ-ում 2018թ. բյուջեի կատարողականի ներկայացման ժամանակ հայտարարեց ԲՀԿ պատգամավոր Նաիրա Զոհրաբյանը:
«Հասկանում եմ, որ պետք է գտնենք այն նուրբ սահմանը, որպեսզի չվտանգենք խոսքի ազատությունը, բայց տոտալ ատելություն է տիրում՝ սեւի-սպիտակի, որն էլ բռնության հիմքն է: ԵԽԽՎ-ում անգամ ճիշտ սահմանագիծը չենք կարողանում գտնել»,-փաստեց Նաիրա Զոհրաբյանը:
Նրա խոսքով՝ վտանգավոր միտումներ կան. «Առցանց տիրույթից բռնությունը տեղափոխվում է իրականություն, սա վտանգավոր հետեւանքներ կարող է ունենալ: Վաղը գուցե չկարողանանք կանգնեցնել բռնության եւ փողոցում միմյանց հանդեպ հաշվեհարդար տեսնելու միտումները»:
Լուիզա ՍՈՒՔԻԱՍՅԱՆ
