Հուլիսի 25-ին Վիետնամի Սոցիալիստական Հանրապետությունում Հայաստանի Հանրապետության դեսպան Վահրամ Կաժոյանն (նստավայրը` Հանոյ) իր հավատարմագրերի պատճենը հանձնեց ՎՍՀ պետական արարողակարգի գլխավոր տնօրեն Մաի Ֆուոկ Զունգին (Mai Phuoc Dung):
Ողջունելով դեսպանին` Մաի Ֆուոկ Զունգը շնորհավորեց դեսպանին կարևոր և պատասխանատու պաշտոնը ստանձնելու կապակցությամբ և հաջողություն մաղթեց իր առաքելության մեջ՝ ընդգծելով հայ-վիետնամական ավանդական բարեկամությունը։
Շնորհակալություն հայտնելով ջերմ ընդունելության և բարեմաղթանքների համար՝ դեսպան Կաժոյանը վստահեցրեց, որ կգործադրի բոլոր հնարավոր ջանքերը` երկկողմ հարաբերություններն առավել ամրապնդելու և ընդլայնելու ուղղությամբ:
ՀՀ արտաքին գործերի նախարարություն
