Եվրոպա լիգայի փլեյ-օֆֆ փուլի «Արարատ Արմենիա»-«Ֆ91 Դյուդելանժ» (Լյուքսեմբուրգ) հանդիպման նախօրյակին կայացած ասուլիսում հյուրերի գլխավոր մարզիչ Էմիլիո Ֆերերան հայտարարեց, որ տպավորված է նախորդ փուլում հայկական ակումբի ձեռքբերումով:
«Երբ տանը պարտվում ես 1:2 հաշվով եւ հետո մրցակցի դաշտում, երբ ոչ-ոք չի սպասում, հաղթում ես 2:0, դա ցույց է տալիս թիմի հոգեբանական պատրաստվածությունը: Եվրոպա լիգայում որքան առաջ ես գնում, այնքան մրցակիցներն ավելի բարդ են դառնում: Թեեւ նախորդ մրցաշրջանում մենք անցել էինք խմբային փուլ, այս խաղում մենք ամենեւին էլ ֆավորիտ չենք: Մեր թիմի կազմը լուրջ փոփոխությունների է ենթարկվել: Փաստորեն, այսօր այն երիտասարդական նոր թիմ է: Իսկ երիտասարդների նոր թիմով դժվար է ֆավորիտ լինել»,-ասաց գլխավոր մարզիչը:
Աշոտ ՀԱԿՈԲՅԱՆ
