«Կա՞ մտավախություն, որ կարող է լինել կոռուպցիոն երեւույթ, շահերի բախում… երբ շատ քննարկվեց Սամվել Ալեքսանյանի թեման, տեղեկություններ պահանջեցի: Պարզվեց, որ այդ նվիրատվությունից հետո նրան պատկանող ընկերություններից մեկի…առաջ եւ հետո էլ… մի սեփականաշնորհված մանկապարտեզ Երեւանի քաղաքապետարանը հետ է վերցրել եւ վերադարձրել համայնքին: Նրա ընտանիքին պատկանող մի շինարարության առթիվ քաղաքապետարանը շատ խոշոր տուգանք է գրել: Օպերայի շրջակայքում նա ուներ սրճարան, որն ապամոնտաժվածների թվում էր»,-կառավարություն-ԱԺ հարցուպատասխանի ժամանակ այսօր անդրադառնալով Երեւանի քաղաքապետարանին աղբատար մեքենաների նվիրատվության շուրջ աղմուկին, հայտարարեց ՀՀ վարչապետը Նիկոլ Փաշինյանը:
Նրա խոսքով. «Մտահոգությունն այն է, որ պետք է նման հարաբերություններն ավելի լավ հասկանանք, դիտարկենք, թե աշխարհի խոշոր քաղաքներում ինչպես են անում, եւ անհրաժեշտության դեպքում տանք իրավակարգավորումներ»:
Լուիզա ՍՈՒՔԻԱՍՅԱՆ
