Այս տարի դադարեցվել է 21 ընդերքօգտագործման իրավունք: Այսօր այս մասին ասաց Տարածքային կառավարման եւ ենթակառուցվածքների նախարար Սուրեն Պապիկյանը՝ նշելով, որ 2019 թվականին գրավոր զգուշացում է տրվել շուրջ 204 կազմակերպության, ինչի արդյունքում շուրջ 501 միլիոն դրամ ապառք է վճարվել ՀՀ բյուջե:
«Մեր նախարարության կողմից Խոսքը տարիներով կուտակված ապառքների մասին է: Եվ թվով 31 կազմակերպության նկատմամբ չվճարելու եւ այլ պատճառներով սահմանված կարգով ընթանում են իրավունքների կասեցման վարույթներ: Ես չեմ ուզում ընկալումն այնպիսին լինի, թե ՀՀ կառավարությունը պայքարում է ընդերքօգտագործողների դեմ, բայց Հայաստանում ընդերքօգտագործումը լինելու է բնապահպանության բարձր չափանիշների ներքո, միեւնույն ժամանակ դա այն կարեւոր ուղղություններից մեկն է, որն այսօր ՀՀ-ում մեծ ֆինանսական միջոցներ է ապահովում մեր բյուջեի համար»:
Ըստ նախարարի, ընդերքօգտագործողները խոշոր հարկատուների ցանկում առաջնային տեղերում են:
Լուսինե ԲՈՒԴԱՂՅԱՆ
