ՀՀ կրթության, գիտության, մշակույթի եւ սպորտի նախկին փոխնախարար Գեւորգ Լոռեցյանի պաշտպանի՝ նախարար Արայիկ Հարությունյանին հարցաքննելու միջնորդությունը մերժվել է, քանի որ քննիչը դա էական չի համարել: Այս մասին «Հայկական ժամանակ»-ի հետ զրույցում ասաց Լոռեցյանի պաշտպան Լեւոն Սահակյանը: Նա նշեց, որ մերժումը չեն բողոքարկելու, սակայն հետագայում եւս կանեն այդ միջնորդությունը:
«Այս պահին անիմաստ ենք համարում (խմբ. բողոքարկելը): Կսպասենք մինչեւ վարույթ իրականացող մարմինը հասնի այն փուլին, որ գիտակցի մեր միջնորդության կարեւորությունն ու իմաստը, որից հետո կրկին կմիջնորդենք»,- ասաց նա:
Ավելի վաղ Սահակյանը ՀԺ-ին ասել էր, որ ձերբակալումից օրեր առաջ Լոռեցյանն աշխատանքից ազատվելու վերաբերյալ դիմում է ներկայացրած եղել նախարարին: Ըստ պաշտպանի՝ Հարությունյանին հարցաքննելն անհրաժեշտ էր, որպեսզի նա դրա վերաբերյալ ցուցմունք տար:
Լոռեցյանը ձերբակալվել եւ ապա կալանավորվել է 2019 թ. դեկտեմբերի սկզբին: Նրան մեղադրանք է ներկայացվել առանձնապես խոշոր չափերով կաշառք ստանալու համար: Նա չի ընդունում մեղադրանքը:
Կարդացեք նաև
Քրիստինա ԽԱՉԱՏՐՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
