Կապանում կայացած ասուլիսում ներկայացնելով 100 փաստերը՝ ՀՀ վարչապետ Նիկոլ Փաշինյանը նշեց, որ 2020 թ․ կլուծվի երկրաշարժի արդյունքում անօթեւան մնացած 453 ընտանիքների բնակարանների խնդիրը:
Ասաց, որ 2020 թ․ բյուջեով Պաշտպանության նախարարությանը հատկացվել է 307 մլրդ դրամ, որը 2018թ. փաստացի ցուցանիշը գերազանցում է 28%-ով կամ 66 մլրդ դրամով: Վարչապետի խոսքերով, Հայաստանը ձեռք է բերել տեսանելի ժամանակահատվածի համար աննախադեպ քանակի զենք-զինամթերք, զինված ուժերը համալրվել են հրետանային միջոցներով, զենիթային կայանքներով, հրաձգային զենքերով, 310 միավոր ավտոմոբիլային տեխնիկայով:
«ՀՀ կառավարությունը փակել է 80-ականների զենքերի ամոթալի էջը, որովհետեւ ձեռք բերված սպառազինությունը կամ 2019 թ․ արտադրության է, կամ ընդհանրապես գործարանային վիճակում է»,- ընդգծեց վարչապետը:
Ինչ վերաբերում է օտարերկրյա ներդրումներին, Փաշինյանն ասաց, որ 2019 թ․ հունվար-սեպտեմբերին օտարերկրյա ներդրումների ներհոսքը կազմել է 2 միլիարդ 174 մլն դոլար, ինչը նախորդ տարվա նույն ժամանակահատվածի համեմատությամբ ավելի է 485 մլն դոլարով կամ 27,6%-ով:
Կարդացեք նաև
Աշխատատեղերի ստեղծման մասին էլ խոսվեց։ Վարչապետն ասաց, որ ներդրումային ծրագրերի շնորհիվ կստեղծվի 3320 աշխատատեղ:
Գոհար ՀԱԿՈԲՅԱՆ
