Ազգային ժողովն այսօր առաջին ընթերցմամբ քննարկեց «Բաժնետիրական ընկերությունների մասին» եւ կից օրենքներում փոփոխությունների օրինագիծը, որը բխում է արտակարգ դրության իրավիճակից:
Էկոնոմիկայի փոխնախարար Ավագ Ավանեսյանը նշեց, որ որոշ գործող կարգավորումներ բարդացնում են բաժնետերերի ժողովների առցանց կազմակերպումը: «Նպատակահարմար է, որպեսզի առանցքային տնտեսվարողներին հնարավորություն տանք առանց ռիսկի ենթարկվելու բաժնետերերի առցանց ժողովներ հրավիրել եւ որոշումներ կայացնել, քվեարկություններ կատարել: Օրինագծով թույլատրվում է նաեւ բաժնետերերի խորհրդի նիստերը կազմակերպել առցանց»,-ասաց փոխնախարարը:
Լուիզա ՍՈՒՔԻԱՍՅԱՆ
