«Պարզագույն լեւոնիզմ»,- այսպես է բնութագրում ԱԺ նախկին պատգամավոր, ՀՀԿ խորհրդի անդամ Մարգարիտ Եսայանը`առաջին նախագահ Լեւոն Տեր-Պետրոսյանի` երեք կետից բաղկացած հրապարակումը, որում Տեր-Պետրոսյանը կորոնավիրուսի վարակը պատերազմ է բնորոշում Հայաստանի դեմ եւ մեղադրության է ընդդիմությանը`պատերազմի ժամանակ ներքաղաքական պայքար տանելու համար:
«Ով պայքարում է իշխանության դեմ, կամա թե ակամա դավաճանում է ազգին։ Պատերազմի ժամանակ ներքաղաքական պայքարը խելահեղություն է, որը ոչ մի արդարացում չունի»,- մասնավորաբար, արձանագրում է Լեւոն Տեր-Պետրոսյանը։
Aravot.am-ի հետ զրույցում Մարգարիտ Եսայանը Տեր-Պետրոսյանի երեք կետերին, երեք կետով պատասխանեց.
«Ա․ Կորոնան եկավ փրկելու Նիկոլին, կեցցե կորոնան
Բ․ Նիկոլին մի նեղեք, թողեք իմ ծրագիրը իրականացնի
Կարդացեք նաև
Գ․ Նիկոլի խելահեղությունը իմ սրտով է, ով չի ընդունում այդ խելահեղությունը, ազգի դավաճան է
Իսկ այժմ, ներկայացնեմ՝ ընդհանրական մտահանգում (ըստ Արիստոտելի, սա է հենց սիլլոգիզմը) ըստ իս՝ պարոն առաջին նախագահ, ուղղեք հայելին, որով նայում եք մեր իրականությանը, հուսամ, ավելի պարզ կտեսնեք, թե ո՞վ է ազգի դավաճանը եւ ինչպե՞ս է տանուլ տալիս ոչ միայն կորոնայի դեմ պատերազմը, այլեւ՝ ձեզ քաջ հայտնի Արցախի հարցի կարգավորման ընթացքը․․․Ասում եք՝ «ով պայքարում է իշխանության դեմ, կամա թե ակամա դավաճանում է ազգին», այ, սա արդեն նորություն էր, ուրախ եմ, որ վերջապես ազգից խոսեցիք, բայց եւս մեկ պարզագույն սիլլոգիզմ.
ա․ այսօր ձեր նշած իշխանության դեմ հենց ազգն է պայքարում
բ․ եւ պայքարում է՝ «ես եմ քեզ ստեղծել, ես էլ կոչնչացնեմ, սկզբունքով»․․․
Ամենայն հարգանքով․ միշտ օրիգինալ եք՝ ամեն ինչում ․․․»:
Նելլի ԳՐԻԳՈՐՅԱՆ
Դուք, ՀՀԿ ՝ անուղղելի եք, սա հիշեցնում է հեքիաթի՝ այն ՙ՚ հերոս՚՚ աքաղաղին,որ իր ծուղրուղուն է շարունակում՝ նույնիսկ ճանապարհորդելով թագավորի ստամոքսում.