Ձյուդոյի միջազգային ֆեդերացիան պաշտոնապես հայտարարել է, որ տեւական դադարից հետո վերսկսվում են «Մեծ սաղավարտի» մրցաշարերը, որոնցում խաղարկվելու են օլիմպիական վարկանիշային միավորներ:
Առաջին փուլի մրցավայր ընտրված է Բուդապեշտը, որը նախնական տվյալներով՝ մարզիկներին կհյուրընկալի հոկտեմբերի 23-25-ին: Սակայն մարզաձեւի միջազգային ֆեդերացիան չի բացառում, որ օրացույցում, կապված COVID 19-ի համավարակային պայմանների հետ, կարող են փոփոխություններ մտցվել:
IJF-ի նախագահ Մարիուս Վիզերը նշել է, որ մրցումները կանցկացվեն առանց հանդիսականների՝ համավարակի տարածման դեմ անվտանգության բոլոր կանոնների պահպանելով:
Աշոտ ՀԱԿՈԲՅԱՆ
