Լեռնային Ղարաբաղում հրադադարի վերահսկման մեխանիզմների մշակման համար զինվորականների գծով աշխատանքներ չեն տարվում։ Մոսկվան հույս ունի, որ այդ մեխանիզմը հնարավորինս շուտ կգործարկվի։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Նա հիշեցրել է՝ Մոսկվայի գլխավոր ուղերձն այն է, որ անհրաժեշտ է անհապաղ հանդիպում կազմակերպել և համաձայնեցնել հրադադարի վերահսկման մեխանիզմը։
«Որքանով ես տեղյակ եմ, նման աշխատանք չի ընթանում։ Մենք հույս ունենք, որ այդ մեխանիզմները հնարավորինս շուտ կմշակվեն»,- ասել է Զախարովան։
Ռուսաստանի արտգործնախարար Սերգեյ Լավրովը նախօրեին հայտարարել էր, որ Մոսկվան Երևանին և Բաքվին տեղյակ է պահել ՊՆ գծով հանդիպումների անհրաժեշտության մասին՝ Լեռնային Ղարաբաղում հրադադարի ռեժիմի վերահսկման մեխանիզմների հաստատման նպատակով։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
