Aravot.am-ի սյունիքյան հերթական գործուղման հասցեն սահմանամերձ Դավիթ Բեկ գյուղն էր։
Հիշեցնենք՝ 2020 թվականի սեպտեմբերյան պատերազմում թշնամու հրետակոծությունից գյուղը զգալի տուժել էր։ Սյունիքի մարզպետարանից մեզ տեղեկացրին, որ դեռ ճշտվում են վնասի չափերը, եւ դեռեւս հաշվարկներ են կատարվում։ Գործընթացի ավարտից հետո Մարզպետարանը լրացուցիչ տեղեկատվություն կտրամադրի նաեւ այն մասին, թե ինչպես են փոխհատուցելու տուժած դավիթբեկցիներին։
Մինչեւ Սյունիքի մարզպետարանը հաշվարկներ է կատարում, դավիթբեկցին անհանգստացած է։ Շուտով կսկսվեն գյուղատնտեսական աշխատանքները, իսկ գյուղի վարչական տարածքում գտնվող հողատարածքները ականազերծված չեն։ «Հիմա տրակտորը ճիշտ է, էդ հողակտորներում աշխատում է, բայց վտանգավոր է։ Կլինեն չպայթած արկեր, որ պիտի հանվեն»,–Aravot.am-ի հետ զրույցում ասաց գյուղի դպրոցի զինղեկ Արտավազդ Սարգսյանը։
Վերջինս կառավարության ուշադրությունն է հրավիրում այս խնդրի վրա՝ հիշեցնելով, որ գարունը մոտենում է, հապաղելը հնարավոր է վտանգավոր հետեւանքներ ունենա։
Կարդացեք նաև
Արմեն ԴԱՎԹՅԱՆ
