Լրահոս
Օրվա լրահոսը

Գևորգ Կոստանյանի նկատմամբ կիրառված խափանման միջոց կալանավորումը չվերացվեց. դատարանը մերժեց պաշտպանների բողոքը

Ապրիլ 09,2021 13:12

«Դատարանը մերժեց մեր բողոքը»,- Aravot.am-ի հետ զրույցում տեղեկացրեց ՀՀ նախկին գլխավոր դատախազ Գևորգ Կոստանյանի պաշտպան Գևորգ Գևորգյանը:

Տեղեկացնենք՝ՀՀ վերաքննիչ քրեական դատարանը՝ նախագահությամբ դատավոր Լուսինե Աբգարյանի, հեռացել էր խորհրդակցական սենյակ՝ Գևորգ Կոստանյանի խափանման միջոցի հարցով որոշում կայացնելու։ Ապրիլի 9-ին դատարանը հրապարակեց որոշումը:

Հիշեցնենք՝ ԱԺ պատգամավոր Թագուհի Թովմասյանը աղմկահարույց փաստաթղթեր էր հրապարակել, ըստ որոնց՝ պարզվում է, որ Մարտի 1-ի գործով անցնող Գեւորգ Կոստանյանի նկատմամբ միջազգային հեղինակավոր քրեական ոստիկանությունը՝ Ինտերպոլը մերժել է հետախուզումը՝ համարելով այն քաղաքական հետապնդում:

Այս փաստարկները Գևորգ Կոստանյանի պաշտպանները ներկայացրել էին դատարան՝ Գևորգ Կոստանյանի նկատմամբ խափանման միջոցի հարցը քննարկելիս դրանք դիտարկել որպես նոր հանգամանք:

Հիշեցնենք՝ «մարտի 1»-ի գործով Գևորգ Կոստանյանն ունի մեղադրյալի դատավարական կարգավիճակ, Հատուկ քննչական ծառայությունը 48 ժամ էր տվել Կոստանյանին՝ վարույթն իրականացնող մարմին ներկայանալու եւ մեղադրանք առաջադրելու համար: Ապա 48 ժամը լրանալուց հետո ՀՔԾ-ն նրա նկատմամբ հայտարարել էր հետախուզում՝ կալանավորումը որպես խափանման միջոց ընտրելու վերաբերյալ միջնորդություն ներկայացնելով դատարան:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2021
Երկ Երե Չոր Հնգ Ուրբ Շաբ Կիր
« Մար   Մայիս »
 1234
567891011
12131415161718
19202122232425
2627282930