Վենետիկի հանձնաժողովը եւ ԵԱՀԿ/ԺՀՄԻԳ-ը հավանության են արժանացրել Ընտրական նոր օրենսգրքի բարեփոխումների փաթեթը: Դրական եզրակացությունը սպասելի էր իմքայլականների համար: Այսօր լրագրողների հետ զրույցում «Իմ քայլը» խմբակցության պատգամավոր Վլադիմիր Վարդանյանը անդրադարձավ նախագահի կողմից չստորագրելուն. «Ես արդեն որերորդ անգամ ցավ եմ ապրում, որ նախագահը հրաժարվում է ստորագրել այս կամ այն փաստաթուղթը, դիմում է ՍԴ: Դա եւս նախագահի սահմանադրական լիազորությունների տիրույթում է ու մենք պետք է հարգենք այդ մոտեցումը, բայց այն հիմնավորումները, որոնք դրվել էին նախագահի հայտարարության մեջ, ըստ էության, համահունչ չեն Վենետիկի հանձնաժողովի կողմից տրված եզրակացությանը»:
Վարդանյանն ընդգծեց, որ այս փոփոխությունները լրացուցիչ բեռ քաղաքական ուժեի վրա չեն դնում ու նախագահի ձեւակերպումները համահունչ չեն Վենետիկի հանձնաժողովի եզրակացության հետ:
Հռիփսիմե ՋԵԲԵՋՅԱՆ
Կարդացեք նաև
