ՀՀ ԱԺ տնտեսական հարցերի մշտական հանձնաժողովն ապրիլի 28-ին հրավիրած նիստում առաջին ընթերցմամբ քննարկեց Կառավարության հեղինակած «ՀՀ հարկային օրենսգրքում փոփոխություններ եւ լրացում կատարելու մասին» օրենքի նախագիծը:
ՀՀ ՊԵԿ նախագահ Էդվարդ Հովհաննիսյանի հավաստմամբ՝ առաջարկի նպատակն է կատարելագործել ԱԱՀ վերադարձի մեխանիզմը: Նախագծով մասնավորապես առաջարկվում է ԱԱՀ-ի փոխհատուցվող գումարների վերադարձը կատարել յուրաքանչյուր հաշվետու ամսվա արդյունքներով, կիրառել մեկ միասնական մոտեցում (ամսական վերադարձի եւ ԱԱՀ-ի 0-ական դրույքաչափի համար), ինչպես նաեւ առանց ուսումնասիրության գումարների վերադարձման համար սահմանված եռամսյակային 40 մլն դրամի փոխարեն սահմանել ամսական 40 մլն դրամ:
Հանձնաժողովի անդամները կողմ արտահայտվեցին նախագծին եւ դրական եզրակացություն ներկայացրին՝ ԱԺ յոթերորդ գումարման վեցերորդ նստաշրջանի օրակարգի նախագծում ընդգրկելու համար:
ՀՀ Ազգային ժողով
