Մամուլում տեղեկություններ հրապարակվեցին, թե քիչ առաջ ադրբեջանցիները փակել են նաև Քարահունջից իջնող ճանապարհը, եւ որ դրա հետևանքով ամբողջությամբ փակվում է Գորիսից դեպի Որոտան ու Շուռնուխ երթևեկը:
«Առավոտը» փորձեց ճշտել, թե ի՞նչ է կատարվում հիմա Քարահունջում:
«Ոչ թե փակել են Գորիսից Քարահունջ տանող ճանապարհը, այլ Քարահունջի վարչական տարածքում գտնվող այգիների ճանապարհը, որը սահմանազատման արդյունքում գտնվում է ադրբեջանցիների հսկողության տակ»,–Aravot.am-ի հետ զրույցում նշեց Քարահունջ գյուղի բնակիչներից մեկը, որը չցանկացավ ներկայանալ: Ըստ նրա՝ այդ տարածքը գյուղի բնակելի տարածքից շատ հեռու է։
Հիշեցնենք, որ երեկվանից ադրբեջանցիները փակել են Երեւան–Գորիս միջպետական ճանապարհի Չայզամի անցնող հատվածը, իսկ այսօր արդեն Որոտանի հատվածը, ընթանում են բանակցություններ, առայժմ՝ ապարդյուն: Ըստ Սյունիքի մարզպետի տեղակալ Նարեկ Բաբայանի, Կապանը կտրված չէ արտաքին աշխարհից, այլընտրանքային գրունտային ճանապարհները գործում են։
Կարդացեք նաև
Արմեն ԴԱՎԹՅԱՆ
Լուսանկարը՝ «Երկիր մեդիայի» էջից:
