Ավստրալիական SBS հեռուստաալիքը ներողություն է խնդրել հայ-ավստրալիական համայնքից այն բանից հետո, երբ անկախ մարդու իրավունքները պաշտպանը զեկույց է հրապարակել, ըստ որի` World News հաղորդման ընթացքում 2020թ. պատերազմի մասին ռեպորտաժում խախտվել են վարքագծի կանոնները: Այս մասին ասվում է Ավստրալիայի հայ դատի հանձնախմբի տարածած հաղորդագրության մեջ:
Մասնավորապես, երեք րոպեանոց ռեպորտաժում, որը վերցված է եղել «Ալ-Ջազիրա»-ից և հեռարձակվել 2021թ. հուլիսի 3-ին, Արցախի՝ Ադրբեջանի կողմից գրավված տարածքներում մնացած ականների մեղքը բարդել են հայկական կողմի վրա:
Ռեպորտաժն ուժեղ արձագանք է ստացել Հայ դատի գրասենյակի և հայկական համայնքի կողմից, որը դիմել է անկախ օմբուդսմենի՝ ուսումնասիրելու ռեպորտաժը և պարզելու՝ արդյոք խախտում է տեղի ունեցել:
Օմբուդսմենը գտել է, որ ռեպորտաժում խախտում կա ճշգրտության, հավասարակշռված և անկողմնակալ լուսաբանման դրույթներով, որից հետո հեռարձակողը ներողություն է խնդրել:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
