Կառավարության նիստում այսօր որոշում կայացվեց պահուստային ֆոնդից 114 միլիոն դրամ հատկացնել ԿԳՄՍ-ին: Ներկայացնելով նախագիծը, ԿԳՄՍ նախարար Վահրամ Դումանյանն ասաց, որ գումարն անհրաժեշտ է, որպեսզի 2021 թվականի օրացուցային պլանով նախատեսված՝ աշխարհի եւ Եվրոպայի առաջնություններին նախապատրաստվեն եւ 2021 թվականի մրցաշրջանը եզրափակելու նպատակով օլիմպիական խաղերի, աշխարհի ու Եվրոպայի առաջնությունների հաղթողներին ու մրցանակակիրներին, ինչպես նաեւ Հայաստանի հավաքական թիմերի անդամ հանդիսացող մարզիկներին ու օլիմպիական խաղերի ծրագրում ընդգրկված մարզաձեւերի Հայաստանի հավաքական թիմերի մարզիչներին ու բժիշկներին սպորտային նպաստ հատկացնեն:
Ըստ նախարարի, գումարի տրամադրումը կնպաստի ծրագրի շրջանակում ընդգրկված շահառուների սոցիալական վիճակի բարելավմանը, ինչն էլ որոշակիորեն կլուծի շահառուների առօրյա խնդիրները՝ վերջիններիս համար դառնալով բարձր նվաճումների խթան:
Լուսինե ԲՈՒԴԱՂՅԱՆ
