Այսօր վարչապետ Նիկոլ Փաշինյանը առցանց ասուլիսում խոսեց սահմանադրական փոփոխությունների մասին: Թե ինչո՞ւ նման որոշում կայացվեց՝ Փաշինյանը պատասխանեց. «Փաստ չէ ամենեւին, որ Հայաստանում սահմանադրական փոփոխություններ տեղի կունենան»: Սահմանադրական փոփոխությունների հանձնաժողով ձեւավորելը դեռ չի նշանակում, որ կլինեն փոփոխություններ: Փաշինյանի խոսքով՝ 4 տարվա գործունեությունից հետո խնդիր ունեն աուդիտի ենթարկել մեր Սահմանադրությունը. «Գուցե օրենսդրության մեջ փոփոխություն մտցնենք:
Սահմանադրության մեջ գրված է, որ ՀՀ նախագահի հրաժարականը ուժի մեջ է մտնում հրապարակման պահից, բայց ԱԺ կանոնակարգ օրենքում գրված է՝ 7-օրյա ժամկետից հետո, այստեղ հակասություն կա: Նախ` Սահմանադրությունը պետք է աուդիտի ենթարկենք, տեսնենք ինչ այս կարգի խնդիրներ կան, հետո կորոշենք՝ մենք գնո՞ւմ ենք փոփոխությունների, թե՞ չենք գնում»:
Հարցին՝ նպատակ ունե՞ն վերադառնալ կիսանախագահական համակարգին՝ Փաշինյանը պատասխանեց. «Իմ անձնական համոզմունքն է, որ կառավարման համակարգը չպետք է փոխվի»: Նա ասաց, որ իր այդ տեսակետը կիսում են նաեւ ՔՊ-ում: Փաշինյանը նշեց, որ նոյեմբերի 9-ից հետո տեսակետներ են եղել, որ ձախողումների պատճառը կառավարման համակարգն է, բայց հետագայում, երբ ընտրությունների միջոցով ներքաղաքական ճգնաժամը հաղթահարվել է, ինքը հասկացել է, որ եթե խորհրդարանական կառավարման համակարգում չլինեին, մեծ էր հավանականությունը, որ լուրջ ցնցումներ կլինեին ու ճգնաժամն ավելի կխորանար:
Կարդացեք նաև
Հռիփսիմե ՋԵԲԵՋՅԱՆ
