«Հանդիպումը գնահատում եմ դրական։ Կողմերը վերահաստատել են, որ գործընթացը տեղի է ունենում առանց նախապայմանների եւ որ վերջնարդյունքը հարաբերությունների կարգավորումն է, մեզ համար նաեւ՝ ՀՀ-Թուրքիա սահմանի բացումը», – կառավարություն-ԱԺ հարցուպատասխանի ժամանակ այսօր անդրադառնալով հայ-թուրքական երկխոսության հատուկ ներկայացուցիչների միջեւ կայացած երկրորդ հանդիպմանը՝ ասաց ՀՀ ԱԳ նախարար Արարատ Միրզոյանը։
«Շատ ավելի բովանդակային է եղել քննարկումը, քան առաջինը։ Բայց միաժամանակ՝ բոլորս հասկանում ենք, որ շատ շոշափելի արդյունքներ երկրորդ հանդիպման համար դժվար է ակնկալել։ Գործընթացը պետք է լուծումներ տա հարյուրամյակների, գուցե՝ տասնամյակների խնդիրներին», – հավելեց Արարատ Միրզոյանը։
Ինչ վերաբերում է Անթալիայում մարտին կայանալիք դիվանագիտական ֆորումին ՀՀ-ի մասնակցությանը, նախարարը հայտնեց, որ առայժմ որոշում չկա, այն կլինի, երբ ժամկետները մոտենան։
Կարդացեք նաև
Լուիզա ՍՈՒՔԻԱՍՅԱՆ
