«Ամերիկայի ձայն». Տեղի է ունեցել «Մեծ յոթնյակ»-ի արտգործնախարարների հեռավար հանդիպումը:
G7 երկրները պատրաստակամություն են հայտնել ուժեղացնել ճնշումը Ռուսաստանի վրա՝ վերջինիս կողմից Ուկրաինա զինված ներխուժման պատճառով։ Այս մասին ասվում է G7-ի ԱԳ նախարարների հանդիպման արդյունքներով Գերմանիայի ԱԳՆ-ի հրապարակած հայտարարության մեջ։ Ըստ վերջին տեսակոնֆերանսի արդյունքների՝ կողմերը միակարծիք են եղել, որ Ռուսաստանի Դաշնության դեմ կիրառված պատժամիջոցները «էական ազդեցություն են ունեցել Ռուսաստանի տնտեսության վրա»՝ ասվում է փաստաթղթում։
Այդ պատժամիջոցները «ուղղված են Ուկրաինայի վրա անօրինական հարձակման համար պատասխանատուների, այլ ոչ թե Ռուսաստանի քաղաքացիական հասարակության դեմ», նշում է հայտարարությունը։
«Մեծ յոթնյակը» պատրաստ է ուժեղացնել այդ ճնշումը»,- արձանագրում են G7-ի արտգործնախարարները:
