«Հարգելի հայրենակիցներ, առաջին անգամ եմ նման կերպով դիմում ձեզ։ Եկել է այն կրիտիկական պահը, որ այլեւս հոդվածներ գրելով, ելույթներ ունենալով, ստատուսներ գրելով որեւէ բանի չենք կարող հասնել»,-Ազատության հրապարակից այսօր ուղիղ եթեր մտնելով՝ հայտարարեց ԱԺ «Պատիվ ունեմ» խմբակցության ղեկավար, ՀՀ ԱԱԾ նախկին պետ Արթուր Վանեցյանը։
«Վերջին օրերին այս իշխանության հայտարարությունները, որոնք փորձում են հրամցնել ժողովրդին, խոսում են այն մասին, որ նրանք արդեն համակերպվել են Արցախի կորստի հետ, պատրաստ են հանձնել Արցախն ամբողջությամբ թշնամուն։ Հասնում ենք մի հանգրվանի, երբ խնդիր ունենք ՀՀ-ի անվտանգության, երբ նահատակվածների կյանքը, ըստ իրենց, սխալի արդյունք է եղել, անիմաստ է եղել»,-հավելեց Արթուր Վանեցյանը։
Նա շեշտեց․ «Եկել եմ Ազատության հրապարակ եւ այլեւս չեմ պատրաստվում տուն գնալ։ Եկեք հրապարակ, եկեք համախմբվենք եւ պայքարենք հանուն ՀՀ-ի եւ Արցախի, հանուն հայ լինելու»։
Կարդացեք նաև
Լուիզա ՍՈՒՔԻԱՍՅԱՆ
