«5165 կուսակցությունը ժամանակավոր դադարեցնում է գործունեությունը եւ համախմբվում Նիկոլ Փաշինյանի հրաժարականի պահանջի, Արցախը փրկելու եւ ՀՀ-ն ճգնաժամից հանելու գաղափարի շուրջ։ Բոլորին եւ բոլոր կուսակցություններին կոչ ենք անում հետեւել մեր օրինակին, որպեսզի հավատ ներշնչենք ժողովրդի շրջանում»,-Ազատության հրապարակում այսօր հայտարարեց «5165 շարժում» կուսակցության համահիմնադիր Կարին Տոնոյանը։
«Սա խմբային, թիմային պայքար չէ, սա վեր է բոլոր անձնային եւ կուսակցական շահերից։ Պայքարի ենք դուրս գալիս հանուն հայի հարատեւման, հանուն Արցախի եւ մյուսներին էլ կոչ անում չանձնավորել պայքարը։ Ամեն մեկն այս հրապարակում ունի տեղը։ Դուրս եկեք, համախմբվենք եւ հայրենիքը հանենք ծանրագույն վիճակից»։
Լուիզա ՍՈՒՔԻԱՍՅԱՆ
