Ապրիլի 26-ին Երևանի Լեո֊Պարոնյան փողոցների խաչմերուկում վարչապետին սպասարկող ավտոշարասյան ՃՈ ծառայողի մեքենայի կողմից վրաերթի էր ենթարկվել և մահացել 29-ամյա Սոնա Մնացականյանը: Նա հղի էր և սպասում էր առաջնեկին: Սոնա Մնացականյանի ամուսինը՝ Աշոտ Վարդանյանը, ֆեյսբուքում գրառում է արել և լուսանկարներ հրապարակել՝ գրելով․
«Նա փոխել էր ինձ: Նա աշխարհի ամենագեղեցիկ ժպիտն ուներ։ Ես տիեզերքի ամենաբախտավոր տղամարդն էի 8 ամիս ու 2 օր։ Նրա ժպիտը կարող էր միավորել ազգեր, նրա գիրկն ավելի տաք էր, քան արևը։
Երեկ նա վթարի ենթարկվեց ու մահացավ, մեր դեռ չծնված դստեր հետ։ Եթե միայն մենք ավելի շատ ժամանակ ունենայինք։
Մենք հանդիպեցինք 2021թ. օգոստոսի 24-ին։ Ճակատագրական իրադարձություն էր, 60 րոպեանոց քննարկում։ Ես 59 րոպեն անցակցրեցի ակնդետ նայելով վերջին շարքում նստած աղջկան։ Աղջիկը։
Կարդացեք նաև
Մենք նորից հանդիպեցինք, ես պնդեցի։ Նրա ամեն նախադասությունից հետո ես ավելի ու ավելի ուժեղ էի սիրահարվում։ Նա հեռատես էր, կառուցում էր իր երազանքները դեպի ապագա։ Ուժեղ, փոքրիկ աղջիկ, որը ֆանտաստիկ տեխնոլոգիական ընկերություն է ստեղծում:
Միշտ ժամանակ էր գտնում հետպատերազմյան շրջաններում դպրոցներ կառուցելու համար իր քնի ու բարեկեցության հաշվին։ Նա այնքան բարձր նշաձողեր էր սահմանում, որ ոչինչ ու ոչ ոք չհամապատասխաներ իր չափանիշներին։ Ահա ինչպես էր աշխարհը տեսնում նրան։ Նա իմ ճանաչած ամենանուրբ մարդն էր։
Ես 26 տարեկան եմ, նա՝ 28։ Մենք ապրում էինք ցավի ու միայնության մեջ մինչև իրար գտնելը։ Դա նախապատրաստված էր երկնքում։ Առաջին աղջիկն էր, որին ես համբուրել եմ։ Մենք գոնե մեկ անգամ չենք վիճել։
Տարբեր երկրների քաղաքացիներ լինելով, կյանքի տարբեր ճամփորդություններ ունենալով հանդերձ՝ մենք չէինք կարող ավելի նման լինել իրար։
Դա բացարձակ ներդաշնակություն էր և իսկական երջանկություն։ Նա ամբողջովին փոխեց ինձ:
Սոնա, Իմ Սոնա»։
