«Պարոն Խաչատրյան, մենք ենք մեղավոր, որ այդ ընկերություններում փայ չենք մտել, որ այդ ընկերությունները մերը չեն եւ չեն վախենում քաղաքական դիրքորոշում արտահայտել»,-ԱԺ լիագումար նիստում այսօր հայտարարեց խորհրդարանի նախագահ Ալեն Սիմոնյանը՝ արձագանքելով ՔՊ խմբակցության պատգամավոր Վիգեն Խաչատրյանի որակումներին, թե օլիգարխների ընկերությունների մեքենաները, փոխանակ շահած տենդերները սպասարկեն՝ այսօր փողոց են փակում, թե դիմադրության շարժումն իրականում «թալանի շարժում» է։
«Ժամանակին թե ընկերությունները, թե շոու-բիզնեսի աստղերը, որոնք վախենում էին մի հատ ծպտուն հանել, թե որոշ եկեղեցականներ, որոնք մարտի 1-ից սկսած՝ վախում էին քիթն իրենց սեւ քողերի տակից հանել․․․մենք ենք չակերտավոր «մեղավոր»․․․ոչինչ, ես վստահ եմ, որ հետեւություններ կարվեն, եւ այդ բոլոր խավերը նույնպես հետեւություններին շատ մոտիկից կծանոթանան»,-հավելեց Ալեն Սիմոնյանը։
Հիշեցնենք, որ ընդդիմադիր խմբակցություններից այսօր եւս գրանցված պատգամավոր չկա, քվորումն ապահովվել է ՔՊ խմբակցության պատգամավորների ներկայությամբ․ դիմադրության շարժումը վաղ առավոտից Երեւանի փողոցներում շարունակում է Նիկոլ Փաշինյանի հրաժարականի պահանջով բողոքի գործողությունները։
Կարդացեք նաև
Լուիզա ՍՈՒՔԻԱՍՅԱՆ
