Տավուշի մարզի Սարիգյուղ բնակավայրում լայն տարածում է ստանում թանկարժեք համեմունք համարվող շաֆրանի աճեցումը։ Այդ մասին Aravot.am-ին տեղեկացրեց Սարիգյուղ բնակավայրի վարչական ղեկավար Սեյրան Սարիբեկյանը։
«Դեռևս տարիներ առաջ Շվեյցարիայում բնակվող մեր հայրենակից Անուշ Ամիրխանյանը որոշեց հայրենի գյուղում հիմնել օրգանիկ շաֆրանի արտադրություն՝ շվեյցարական շուկայի համար։ 2014թ-ին Հայաստանում շաֆրան արտադրելու հաջող փորձից տարիներ անց էլ Սարիգյուղում սկսվեց շաֆրանի արտադրությունը՝ ընդգրկելով ավելի մեծ հողատարածքներ»,- հավելեց Սեյրան Սարիբեկյանը։
Այժմ գյուղական բնակավայրում 15-20 կին զբաղվում է համեմունքի արտադրությամբ։ Գյուղում այն համարվում է «կարմիր ոսկի»։
«Սարի շաֆրան» բրենդն այժմ դարձել է Սարիգյուղի այցեքարտերից մեկը և գյուղի կանանց նոր զբաղվածությունը։ Արտադրանքի մեծ մասն արտահանվում է և օգտագործվում որպես թեյ ու համեմունք։
Կարդացեք նաև
Լիա ՃԱՂԱՐՅԱՆ
Լուսանկարները՝ «Սարի շաֆրանի»
Մի փոքր սխալ կար ձեր տեղեկատվությունում՝ տնօրենի ազգանունը
Ամիրխանյան (Ամիրաղյանի փոխարեն)