Տիգրան Պետրոսյանի անվան շախմատի տուն-մարզադպրոցում հայտնի դարձավ շախմատի Հայաստանի տղամարդկանց չեմպիոնը։
Եզրափակիչ տուրի կենտրոնական պարտիայում հանդիպեցին գրոսմայստերներ Ռոբերտ Հովհաննիսյանը եւ Սամվել Տեր-Սահակյանը, որոնք Մանուել Պետրոսյանի հետ միասին 5,5-ական միավորով նախավերջին տուրից հետո բաժանում էին 1-ից 3-րդ հորիզոնականները եւ հավակնում էին հաղթողի կոչմանը։
Ռոբերտ Հովհաննիսյան
Մանուել Պետրոսյան
Վճռորոշ պարտիայում հաջողությունն ուղեկցեց Սամվել Տեր-Սահակյանին, որը 6,5 միավորով նվաճեց չեմպիոնի տիտղոսը եւ համալրեց Ազգային հավաքականի կազմը։ Արծաթե մեդալը բաժին հասավ 6,0 միավոր վաստակած Մանուել Պետրոսյանին, որը միավորը բաժանեց Զավեն Անդրիասյանի հետ, իսկ Ռոբերտ Հովհաննիսյանը 5,5 միավորով լրացուցիչ գործակիցներով զբաղեցրեց երրորդ հորիզոնականը։
Աշոտ ՀԱԿՈԲՅԱՆ
