Aravot.am-ի տեղեկություններով, հունվարի 20-ին ՀՀ ՆԳՆ ոստիկանության օպերատիվ կառավարման կենտրոնից հաղորդում է ստացվել, որ իրենց է զանգահարել ՀՀ ՆԳՆ միգրացիայի և քաղաքացիության ծառայության գլխավոր մասնագետ Դ.Թ․-ն եւ հայտնել, որ նույն օրը Միգրացիայի եւ քաղաքացիության ծառայություն են այցելել ազգությամբ հայ, Թուրքիայի քաղաքացիներ Սումե Քամեր Նուրհանը, Սումե Էբրուհին եւ Սումե Թալինը, բղավել, թափել Դ․Թ․-ի աշխատասենյակի սեղանին դրված թղթերն ու իրերը, անհարգալից վերաբերմունք դրսևորել այնտեղ գտնվող քաղաքացիների եւ աշխատակիցների նկատմամբ, ինչի արդյունքում խախտվել է ՀՀ ՆԳՆ միգրացիայի և քաղաքացիության ծառայության բնականոն աշխատանքը:
Ըստ նույն աղբյուրի, Դ․ Թ․-ից ընդունվել է հաղորդում, իսկ Թ.Սումեն, Ք.Սումեն և Թ.Սումեն ներկայացվել են քննչական բաժին: Նախապատրաստված նյութերը փոխանցվել են քննչական բաժին:
