Ադրբեջանի արտգործնախարար Ջեյհուն Բայրամովը հեռախոսազրույց է ունեցել ԱՄՆ պետքարտուղարի` Եվրոպային և Եվրասիայի հարցերով տեղակալ Քարեն Դոնֆրիդի հետ, որի ընթացքում քննարկվել է Հարավային Կովկասում տիրող իրավիճակը և Բաքվի ու Երևանի միջև բանակցային գործընթացը: Այս մասին ասվում է Ադրբեջանի ԱԳՆ հաղորդագրության մեջ:
Բայրամովն ասել է, որ համաձայն եռակողմ պայմանավորվածության` Ադրբեջանն ապահովում է Լաչինի միջանցքով քաղաքացիական անձանց և տրանսպորտային միջոցների տեղաշարժը, «բայց Հայաստանը շահագործում է Լաչինի ճանապարհը անօրինական տնտեսական գործունեության, հայ զինվորականների տեղափոխման և ականներ փոխադրելու համար»:
Նրա խոսքով` Լաչինի միջանցքում «բողոքի ակցիա անցկացնողների օրինական պահանջը» դեռ չի կատարվել, իսկ Արցախում «լարված հումանիտար իրավիճակի» մասին խոսակցություններն անհիմն են:
Բայրամովը նաև ասել է, որ «Հայաստանը խաղաղության պայմանագրի շուրջ բանակցային գործընթացում դիմում է մանիպուլյացիաների»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
