Տրանսպորտային բարեփոխումները միայն ավտոբուսների գնումներով չեն ավարտվում, այս տարվա ընթացքում ամբողջ շարժակազմերում կունենանք միասնական տոմսային համակարգ: Այս մասին Երևանի ավագանու արտահերթ նիստում հայտարարեց Երևանի փոխքաղաքապետ Տիգրան Ավինյանը։
Նա թվարկեց տրանսպորտի հետ կապված բոլոր այն խնդիրները, որոնք նախատեսում են այս տարի լուծել, մասնավորապես՝ առանձնացված գծերի խնդիրը, որը շուտով կլինի ավտոբուսների համար, միասնական կառավարման կենտրոնի ստեղծման խնդիրը, իսկ հետագայում արդեն 250 հատ չինական ավտոբուսների փոխանակման խնդիրը:
«Մեկ-երկու ամիս փորձարկումներից հետո միասնական տոմսային համակարգը տեղադրվելու է բոլոր շարժակազմերում։ Ունենալու ենք աբոնենտային հնարավորություններ, զեղչային համակարգեր տարբեր խմբերի համար։ Կարծում եմ, հաջորդ տարվա վերջում կարող ենք պնդել, որ մեր տրանսպորտային համակարգի ռեֆորմը 90-95 տոկոսով ավարտված կլինի»,–ասաց Ավինյանը։
Հիշեցնենք, որ պաշտոնավարման 100 օրվա ասուլիսի ժամանակ Տիգրան Ավինյանն արդեն հայտարարել էր, որ երկու տարվա ընթացքում տրանսպորտային բարեփոխումների գրեթե 90 տոկոսը ավարտված կլինի:
Կարդացեք նաև
Լուսինե ՄԱՐԳԱՐՅԱՆ