«Երևան պարկին» հարակից 150 հա տարածքում նախատեսվում է հիմնադրել նոր կենդանաբանական այգի՝ անտառային կանաչ գոտով։ Այս մասին այսօր Երևանի ավագանու արտահերթ նիստում հայտարարեց Երևանի փոխքաղաքապետ Տիգրան Ավինյանը։
«Ունենք ծրագիր կենդանաբանական այգին տեղափոխելու` նոր ֆորմատով, կենդանիների համար ավելի լավ պայմաններով, ավելի բաց պայմաններով պահելու համար, որովհետև մեր Կենդանաբանական այգու պայմանները թույլ չեն տալիս որեւէ բան փոխել»,- ասաց Ավինյանը։
Նրա խոսքով, համայնքային բոլոր խոշոր հողերը դիտարկում են որպես կանաչապատման նոր գոտիներ՝ անտառներ տնկելու համար, այս պահին անտառտնկման ծրագրեր կան Եռաբլուր զինվորական պանթեոնի տարածքում, Սարալանջում և Նորքում։
Լուսինե ՄԱՐԳԱՐՅԱՆ