ԱԺ նախագահ Ալեն Սիմոնյանի ֆեյսբուքյան գրառումը
Ամեն բան սպասում էի, բայց որ ՀՀ առաջին նախագահ Լևոն Տեր-Պետրոսյանը կպահանջի իմ հրաժարականը, իրոք անսպասելի էր: Ես շնորհակալ եմ Ռուզվելտի, Տրումենի, Քլինթոնի և այլ պատմական դեմքերի հետ համեմատության համար, բայց եթե Լևոն Տեր-Պետրոսյանը տխրահռչակ իրադարձություններից, իրեն դավաճան անվանելուց հետո այսպես է հանգստացել կամ փարատվել` դա իր ընտրությունն է:
Ես դավաճան չեմ, երբեք չեմ եղել և չեմ լինելու, և այն օրը, երբ կրկին փողոցում հավաքված հայրենակիցներս իմ առաջնորդության կարիքը կունենան, ապա ես տանը չեմ նստի և կլինեմ նրանց կողքին, եւ «թքած», թե հետո ով ինչ կասի: Պատմաբան նախագահը պետք է լավ իմանա, թե որոնք են աններելի սխալները և ինչ գին են վճարում պատմության մեջ աններելի սխալներ գործած երկրի ղեկավարները:
Հ.Գ. Առիթից օգտվելով՝ ես նույնպես տարածում եմ Լևոն Տեր-Պետրոսյանի սույն հոդվածը, ինչպես նաև նրան հրավիրում եմ առաջնային մանդատով օժտված միակ ատյան՝ ՀՀ Ազգային ժողով, պատմության ընթացքում պետության վարկին հասցված ամենամեծ վնասների վերաբերյալ քննարկման համար:
Կարդացեք նաև
Ինչ խղճուկ վիճակում ես հայտնվել, որ օրական 5 անգամ հայտարարություն ես անում, ջնջում, արդարանում, հոխորտում… Դու բանուգործ չունե՞ս, նախագահ: Լավ դեպք ես հոգեբանների համար: Այդպես է լինում, երբ բացարձակ միջակությունը դառնում է «առաջնային մանդատով օժտված միակ ատյանի» (մեղա, մեղա) ղեկավար: Նույնն էլ ղեկավարդ է՝ թերուս միջակություն: Կգա պահը, շատ չի մնացել, որ թքելու եք իրար երեսի:
Վարչակարգի անդամներն ու համակիրները թող միայն իրենք իրենց էշը մեղադրեն, տեղի ունեցած դէպքի – իրենց համար բացասական – հետեւանքներին համար:
Մ. Հայդուկ Շամլեան