«Եթե ամեն ինչ այսքան լավ է, ինչո՞ւմն է խնդիրը։ Այն, որ մարդիկ տագնապած են։ Մեծ անորոշություններ կան։ Պետք է ուղիղ ասել, որ ապրում ենք անվտանգության ճգնաժամ։ Սրա պատասխանատվությունից որեւէ մեկը չի պատրաստվում հրաժարվել»,-ԱԺ արտահերթ նիստում կառավարության ծրագրի կատարման 2022թ․-ի ընթացքի մասին զեկույցի քննարկման ժամանակ այսօր հայտարարեց վարչապետ Նիկոլ Փաշինյանը։
Նա նշեց․ «Որ այդքան ասում եք՝ իշխանությունը հեռանա, հեռանա․․․հեռացել է։ Ու շատերն այս դահլիճում նստած են մեր հեռանալու շնորհիվ։ Որ չհեռանայինք, դուք այստեղ ի՞նչ էինք անում։ Մենք հեռացել ենք, բայց չենք փախել։ Մեր ընդդիմադիր գործընկերների ելույթներում մի երանգ տեսա, որ ամբողջ գումարը դնենք անվտանգության մեջ, ասֆալտի հերն էլ անիծած։ Սրա մեջ կա տրամաբանություն։ Բայց ամբողջական չի։ Ասֆալտը եւս անվտանգային խնդիր ունի։ Այն զորքի շարժունակության համար է։ Իսկ ո՞վ է ասել, որ մենք այսօր հինգ միլիարդ, օրինակ, տանք բանակին, ապա այդ կառույցն ի վիճակի է այն ծախսել։ Խորը խնդիրներ ունենք՝ համակարգայինից մինչեւ գործնական»։
Դառնալով անվտանգային ճգնաժամին՝ Նիկոլ Փաշինյանն ասաց, որ այն 2020թ․-ին չի ստեղծվել, այլ ավելի շուտ․ «Այո, հոկտեմբերի 27-ն էլ հիշատակենք։ Կամ, գնանք 2011թ․։ Եթե շատ լավ բանակցող էիք, մեր ռազմավարական դաշնակիցն ինչո՞ւ երեք միլիարդի զենքի գործարք կնքեց Ադրբեջանի հետ»։
Կարդացեք նաև
Լուիզա ՍՈՒՔԻԱՍՅԱՆ
