Գործադիրում էլ նշանակումները կատարվելու են փոխհամաձայնեցված, փոխքաղաքապետերի պաշտոններն էլ առաջիկայում հայտնի կդառնան՝ հաջորդ յուրաքանչյուր նիստում։ Այս մասին այսօր ՔՊ-ի եւ «Հանրապետություն» խմբակցության միջեւ համագործակցության եւ Երեւանի կառավարումն ու պատասխանատվությունը կիսելու մասին հուշագիրը ստորագրելուց հետո ասաց Երեւանի նորընտիր քաղաքապետ Տիգրան Ավինյանը։
The first session of the newly elected Yerevan Council of Elders, where the new Mayor of Yerevan will be elected takes place in Yerevan Municipality
«Հանրապետություն» խմբակցությունը գլխավորող Արտակ Զեյնալյանն էլ հայտարարեց՝ հուշագիրը ստորագրելիս առաջնորդվել են Երեւանի, Հայաստանի շահով, Սահմանադրությամբ, ժողովրդական, իրավական պետության հիմնարար սկզբունքներով․ «Գուցե իդեալական տարբերակը չէ, սակայն իշխանություն ունենալն ավելի լավ սահմանադրական վիճակ է, քան իշխանություն չունենալը»։
Հարցին՝ արդյոք պաշտոններ ունենա՞լն էր ՔՊ-ին աջակցելու գինը, Զեյնալյանը պատասխանեց․ «Պետական պաշտոնները կարկանդակ չեն, դա ծառայություն է, ծանր աշխատանք, պատասխանատվության ստանձնում է։ Դա շնորհ կամ պարգեւ չէ որեւէ մեկին տրված։ Դա պատասխանատվության ստանձնում է։ «Հանրապետություն» կուսակցությունը խորհրդակցելով որոշեց ստանձնել այդ պատասխանատվությունը՝ Երեւան քաղաքում իրականացնելով կառավարում»։
Նելլի ԲԱԲԱՅԱՆ
Կարդացեք նաև
